அன்பார்ந்த தமிழ் நெஞ்சங்களுக்கு அடடா இன் பொங்கல் வாழ்த்துக்கள்.

ஏற்கனவே அறிவித்திருந்தது போல், அடடா ஐத் தமிழ்ப்படுத்த முயற்சித்திருக்கிறேன்.

தமிழர்கள் உலகெங்கும் இருப்பதால், வேற்று மொழிகளையும் தெரிவு செய்யக்கூடிஅதாக இருக்க முடிவுசெய்திருக்கிறேன். அதற்காக என்னால் எல்லா மொழிகளிலும் மொழிபெயர்க்க முடியாது. ஆகவே, ஏற்கனவே இலவசமாக மொழிபெயர்து இருப்பவற்றை இங்கு கொடுத்திருக்கிறேன். இப்போதைக்கு சுவீடிஷ், ரஷ்யம், தமிழ், Traditional சீனம் மொழிகளை ஏற்றியிருக்கிறேன்.

உங்கள் விருப்ப மொழிக்கேற்ப Options ==> General ==> Language இல் தெரிவுசெய்யுங்கள்:
சுவீடிஷ் = WPMUsv_SE
ரஷ்யம் = ru_RU
தமிழ் = ta_TE
Traditional சீனம் = zh_TW

முற்றுமுளுதாக அடடா இன்றைக்கு தமிழில் இல்லை. அதிகப்படியான சொற்கள் இருப்பதால், முழு மொழிமாற்றத்திற்கு நேரம் எடுக்கும். ஏலக்கூடிய வரை மரியாதையான சொற்களை சகல இடங்களிலும் உபயோகித்திருக்கிறேன். அதாவது, “நில்” என்றில்லாமல் “நிற்க”. கிரந்த எழுத்துக்களைத் [ஹ், ஷ், ஜ், ஸ்] தவிர்க்க முயற்சிசெய்திருக்கிறேன்.

ஆங்கில சொற்களுக்கு பதிலாக தமிழ்ச் சொற்களைப் பிரயோகிக்க, பெரிய சொற்களாக வருவதால் இடம் பற்றாமல் அடடா இன் அழகு குழம்புகிறது. இதன் காரணமாக ஆகக்குறுகிய சொல்லைப் பயன்படுத்த முயற்சிசெய்திருக்கிறேன்.அடடா இல் பல மாற்றங்கள் செய்திருப்பதால், சில இடங்களில் சில பிரச்சினைகளைக் கொடுக்கிறது. அதை எல்லாம் சரி செய்ய வேண்டும்.

எதிர்காலத்தை நோக்கி:
அடடா வெறும் உங்கள் எண்ணங்களை பிரசுரிக்க என்று மட்டும் நின்றுவிடாது, மேலும் பல வழிகளில் உதவ வைப்பதே உத்தேசம்.

நீங்கள் இடும் இடுகைகளை பயனர்கள் புள்ளி இட வைக்கலாம்.
நீங்கள் அடடா இல் தமிழில் தட்டச்சிய பின் அதற்கான விளக்கத்தை ஒரு பொத்தானை அழுத்துவதன் மூலம் பெற வசதி செய்யலாம். இதற்காக நாங்கள் அகராதி உருவாக்கத் தேவையில்லை. ஏற்கனவே இணையத்தில் இருக்கும் அகராதிகளில் சிறந்த ஒன்றைத் தெரிவு செய்து தொடுப்புக் கொடுத்தாலே போதுமானது.
அதே போல் ஆங்கில சொற்களுக்கு ஏற்ப தமிழ் சொற்களைக் கண்டுபிடிக்கவும் வைக்கலாம்.
ஏன் எதிர்காலத்தில், தமிழ் இலக்கணப் பிழைகளைக் கூட சரி பார்க்க வைக்க இயலும் [அப்படி ஒரு சேவை வந்த பின்].
பிளாக்கரில் இருப்பது போல் மின்னஞ்சல் ஊடக இடுகைகளை உங்கள் பதிவில் பிரசுரிக்க இயலும்.
அடடா இன் இன்னுமொரு தளமாக ஒரு கருத்துக்களம் [forum] நிறுவலாம்.

அதே நேரத்தில், ஒருங்குறியில் [unicode] தமிழுக்கு ஒரு பிரச்சினையும் இருக்கிறது. நீங்கள் பார்க்கும் எழுத்துகள் அளவு இல்லை உண்மையில் கணினி பார்ப்பது. இதனால், சில சந்தர்ப்பங்களில் நீங்கள் இடும் இடுகைகள் தொலைந்து/ இணைப்புக் கொடுக்க முடியாமல் போகக்கூடிய சந்தர்ப்பம் இருக்கிறது. மேலும் அறிய இடுகைகளில் தமிழில் தலைப்பு வைக்கும்போது கவனிக்கப்பட வேண்டியவை பார்வையிடவும்.

இது மட்டுமின்றி, தமிழில் Theme கள் அமைக்க வேண்டும்.
முழு மொழிபெயர்ப்பும் செய்ய வேண்டும்.
சோதனை செய்து பார்த்து கருத்துச் சொல்வதற்கு என்று வேறு பல உதவிகள் தேவைப்படுகிறது.

உங்கள் உதவியை வேண்டுகிறேன். உங்களுக்கு விருப்பம் இருப்பின் இந்த இடுகைக்கு கருத்தோ (அ) எனது மின்னஞ்சல் uthavi@adadaa.com இற்கு ஒரு மடலோ அனுப்பி வைக்கவும்.

மீண்டும் தமிழ் நெஞ்சங்களுக்கு பொங்கல் வாழ்த்துகள்.

–
அன்புடன்,
அடடா
http://adadaa.com/
தமிழ் வலைப் பதிவு சேவை

அன்பார்ந்த தமிழர்களே,

முதற்கண், வருங்காலத்திற்காய் தம் இன்னுயிர் ஈன்ற தமிழ் மாவீரர்களுக்கு என் சிரம் தாள் வணக்கம்.

மாவீரர் நாளில் தொடங்கவே எண்ணியிருந்தேன். ஆனால், சில தடங்கல்கள் காரணமாக தள்ளிப் போடப்பட்டுவிட்டது.

அடடா தமிழ் வலைப் பதிவு சேவை இன்று தொடங்கப்படுகிறது. இந்த சேவையானது WordPress செயலியால் நிறுவப்பட்டது. WordPress என்பது ஒரு இலவச வலைப் பதிவு சேவை. இது Blogger போன்றது. ஆனால், WordPress ஒரு திறந்த வெளி மூலம் கொண்டது. அதாவது, அவர்களுடைய செயலியை இலவசமாக எவரும் நிறுவிக்கொள்ளலாம்.

கடந்த ஒரு மாத காலமாக, WordPress ஐ பல தடவை நிறுவி, பல திருத்தங்கள் செய்து, பல மாற்றங்கள், தமிழுக்காய் செய்து இன்று இந்த அடடா தமிழ் வலைப் பதிவு சேவை அறிமுகப்படுத்தப்படுகிறது.

நீங்கள் ஏற்கனவே WordPress வலைப்பதிவு சேவையை உபயோகிப்பவராக இருந்தால், WordPress இல் என்ன வசதிகள் கிடைக்கிறதோ அதில் அனேகமானவை இங்கும் கிடைக்கும். இதற்காக நான் ஒன்றும் பெரிதாகச் செய்யவில்லை. ஏனெனில், இது அவர்களுடைய செயலி தானே!

WordPress இல் இருப்பது தான் இங்கும் என்றால் என்ன வித்தியாசம் என்று யோசிப்பது எனக்குத் தெரிகிறது. நீங்கள் இங்கே வாசித்துக்கொண்டிருக்கும் இந்த இடுகையை நான் தமிழில் தட்டச்சு செய்ய வேறெந்த இணையத் தளத்திற்கும் செல்லவில்லை. நேரடியாக Post / இடுகையிலேயே தட்டச்சுகிறேன். இடுகையின் போது மட்டுமின்றி ஒவ்வொரு இடுகையின் Comments / பின்னூட்டத்திலும் தமிழிலேயே நேரடியாக தட்டச்சு செய்யலாம். ஆகவே, உங்கள் இடுகைக்கு கருத்துத் தெரிவிக்க உங்கள் அபிமானிகள் இனி வேறு ஒரு இணையத் தளத்திற்கு சென்று தட்டச்சு பண்ண வேணுமே என்று சலித்துக்கொள்ள மாட்டார்கள். எங்கே இந்த இடுகைக்கு ஒரு பின்னூட்டம் தான் இட்டுப் பாருங்களேன்!

இதற்காக hiGopi அவர்களுக்கும், monusoft அவர்களுக்கும் எனது மனமார்ந்த நன்றிகளைத் தெரிவித்துக்கொள்கிறேன்.

இடுகையை ஆரம்பிக்கும்போது, இரண்டு விதமான tab கள் இருக்கும். Visual மற்றும் Code. Code என்னும் tab ஐ சொடுக்கி அதில் தமிழை தட்டச்சு செய்துகொள்ளலாம். FireFox, மற்றும் Internet Explorer உலாவிகளில் இவை வேலை செய்யும்.

வலைப் பதிவு என்ன என்று யோசிப்பவருக்கு ஒரு சிறு சுருக்கம்:
வலைப் பதிவு என்பது நீங்கள் உங்கள் எண்ண ஓட்டத்தில் தோன்றிய அபிலாசைகளை இணையத்தில் இலகுவாகவும், வேகமாகவும் பதிவு செய்து கொள்ள உபயோகிக்கப்படுவது. இதற்கு உங்களுக்கு எந்த இணைய கணினி மொழிகளும் [HTML, PHP] தெரியத் தேவையில்லை.

உங்களுக்கு மின்னஞ்சல் உபயோகிக்கத் தெரியுமா? MS Word செயலியை உபயோகிக்கத் தெரியுமா? இவ்வளவே அதிகமானது. பயப்படாமல், நீங்களும் வலைப் பதிவு ஆரம்பிக்கலாம்.

உங்கள் கருத்துக்கள், எதிர்க் கருத்துக்கள், ஆய்வுகள், விளக்கங்கள், கவிதைகள், கட்டுரைகள் என்று பலப் பல விடயங்களை இணையத்தில் வேகமாகப் பிரசுரிக்க இந்த சேவை பயன்படுத்தப்படலாம்.

உங்கள் எண்ணங்களை எழுத்துக்காகினால் மட்டும் போதாது மற்றவர்கள் உங்கள் ஆக்கத்தைப் பற்றி என்ன கருதுகிறார்கள் என்று அறிய ஆவலா? கவலை விடுங்கள். அடடா வில் இடும் ஒவ்வொரு இடுகைக்கும் [ஆக்கத்திற்கும்] மற்றவர்கள் இலகுவாக கருத்துத் தெரிவிக்கலாம். அதை நீங்கள் தீர்மானிக்கலாம்.

நீங்களே ஒருமுறை அடடா வை சோதனை செய்து தான் பாருங்களேன்.
blog: http://1soothanai.adadaa.com/
username: soothanai
password: thamizha
Login: http://1soothanai.adadaa.com/wp-admin/

தொலை நோக்குப் பார்வை:
வருங்காலத்தில் அடடா தமிழ் வலைப் பதிவு செயலியில் எங்கும் [Post Slug, Categories, etc.] தமிழை நேரடியாக தட்டச்சு செய்யும் வசதி.
அடடா வில் வலைப் பதிவைத் தொடங்கினால், உங்கள் இடுகைகள் தமிழ் மணம், தமிழ்ப் பதிவுகள், தேன்கூடு என்பன போன்ற வலைப் பதிவுத் திரட்டிகளில் [நீங்கள் சேர்க்காமலேயே] தானாகவே தோன்றும் வசதி.
மிகவும் முக்கியமாக, இந்த அடடா தமிழ் வலைப் பதிவு செயலியை முற்றுமுழுதாக தமிழில் மொழிபெயர்க்கப்பட வேண்டும்.

இதற்கு உங்கள் எல்லோருடைய ஆதரவும், உதவியும் வேண்டும். வருகிற தைப் பொங்கல் தினத்தன்று அடடா தமிழில் இருக்க முயற்சிக்கிறேன்.

அன்புடன்,
அடடா அட்டகாசம்